Pista Na Jud

Sayo sa kadlawon sa mga ala una ang takna, migikan sa South Bus Terminal ang Ceres among gisakyan padulong sa Bato, Santander.

Kuyog nako sila si Cheryl Baldecantos sa Manila Bulitin, Tony Despojo ang Photo Editor sa Cebu Daily News, ang taga Argao ng Correspondent sa Reuters nga si Vic Kintanar nag hulat lang sa ilang lunsod.

Pipila ka gutlo sa wala pa molarga ang Bus, nag text ang hapit na ma Tanjayanon, (kay iya nga hinigugma taga Tanjay man) nga si Ferdinand Edralin sa The Freeman nga dili sya kakoyug apan mo apas sya inig ka pets 25.

Ako man gud gidapit ang akong mga higala sa prensa(press) para sa pagtambong sa Kapistahan sa Tanjay, iyawat nalang mamantala sa ilang mga mantalaan ang mga hulagway nga ilang makuha  atol sa kapistahan.

Ug maka aghat kini sa uban pang mga tawo sa pag duaw sa Tanjay sa umaabot.

Medyo hapo sa byahe, dia usa mi sa akong pobreng pinun-anan nag salo sa pamahaw nga gi-andam sa akong mama.

Ug pagka taod taod, moadto nami sa CASA SOLTERO diin maoy mahimo nila nga temporaryong pinuyanan samtang dia sila sa Negros..

Busa atangi ninyo sa mga mantalaan ang ilang mga hulagway sa Tanjay..

Ug sa gapista diha, pakan a me ug Humba...

Maayong Pista Tanjay

Viva Sr. Santiago

PISTA SA TANJAY

Sa nag dako ko sa Samparol, murag mahilangit na jud ko kung maka adto sa Tanjay..

Sa wala pag hunahuna nga ang Samparol ana usab sa Tanjay..

Inig adto man gud sa Tanjay, mosakay man ug pidicab..

Ug malingaw jud ko sa akong pag sakay ug pidicab, labi na ug moagi sa sa pwente..

Ambot ug ngano nga pwente nga taytayan man, ug matud pa ni Senyora Azucena Torres nga ang fuente fountain..

Sa pag agi sa pwente makita nako ang labing dakong irrigasyon sa kalibotan..

Apan ingon pa ni mama Suba kuno to, ug tungod sa akong ka yungit kaniadto tuba ang ako tawag sa dakong irrigasyon.

Kinsa bay di malingaw sa Tanjay daghang man lain laing sakyanan..

Dili parehas sa Samparol nga Truck de Carga ug Tructora ra..

Ayy naa pa diay Playmouth, kanang magdala ug daghang bagon pdulong sa Central..

Unya pag abot sa Tanjay, sus magkamuringsing jud akong nawong pag kina-on ug Kombo ug Butsi ni Lolo Sensio ug Lola Bosya...

Lami kaayong paminawon ang hagunghung sa gaas stove nga de bomba..

Pag init sa mantika, aw Botsi o Kombo na.

Apan mas alegre jud ug Pista na sa Tanjay..

Di jud ko malimot anang naay hawan sa may Kasya atbang sa Caltex..

Kay adto man didto ang Kanyores o Perya...

Piso maka tan aw ka sa dewente, kataw, katong tawo ng murag kogita, kadtong babahe nga naay bungot..

Unya sakay sa Pereswell, tingala pud ko ngano sila malingaw ato, nga pagsakay nako misuka man ko..

"Di na ta sakay pereswell ma ha, tan-aw lang tang Kalay"

Si Kalay kadtong but.an nga iro nga daghan ug na-antiguhan..

Ug daghan pang makalingaw, itsa itsa, pusil sa palito sa posporo..

Unya adto dayon me sa Simbahan, daghot kandila..

Unya naay sinulog, "Ma si Mr. Ligo ma o" oo si Mr. Dominador Ligo nga maestro sa San Jose Elementary School, nag sinulog sila, dyutay pa man to ang mag sinuog.

Unya sus daghan pud kaon oi.

Hapit baya tanan nga igsoon ni mama na sa Tanjay..

Pag uli namo sa Samparol naa pa jud mi Bring House..

Hahay kanindot sa kalibutan sa mga Bata pa ta..


Sa una abi nako ug ang Pista sa Tanjay naa ra jud sa Tanjay..

Apan gi-ingon man gud nga malankat nimo ang Tanjayanon sa Tanjay pero dila ang Tanjay sa Tanjayanon..

Adunay mga mabuot nga Tanjayon, nga tungod sa pagpangita ug masanag nga kaugmaon..

Nanimpalad..

Ug nahidangat didto sa Tinipong Bansa saAmerica..

Sa pag alim sa ilang gibati  nga kamingaw sa yutang natawhan..

Matag Pista sa Tanjay, magtapok tapok sila didto..

Ug karon ang ilang ika duhaaglima(25) nga kasaulugan..

Wala pa hinuon ko ka saksi sa maong kapistahan..

Apan sigun pas akog nahi sayran..

Alegre kuno oi, dunay bayle, dunay kaon, kumbira jud..

Nga karong tuiga og wala ko masayop si Padre Carmelito Limbaga ang magsaulog sa Santos Nga Misa..

Ambot lang ug mag sinulog ba si Bradock Calumpang, Elpi Culi , Danny Gil ug  kaubanan...

Na Hala Malapayong Pagsaulog sa Ika-Duhaaglima Kapistahan ni Sr. Santiago diha sa Tinipong Bansa sa America.

Viva Sr. Santiago

Viva Tanjay Association, USA

MAYOR BALTAZAR SALMA MEMORIAL CUP 4X4 OFFROAD

Pipila ka adlaw  ang milabay gidapit ko ni Jordan Salma sa Fan Site MAYOR BALTAZAR SALMA MEMORIAL CUP 4X4 OFFROAD sa Facebook.


Sa among Chat diha gihapon sa Facebook, miingong ko niya "kung tigutan ko sa akong Schedule, bason maka dalikyat ko."


Kaganina me adto ko sa Samparol, ang lugar diin ko nagdako, akong gibisita ang akong iyaan ug gipakita ang hulagway sa iyang apo nga tua sa Italya..


Pag pauli nako mihapit ko sa ilang Papa Carpo Vallega (akong amahan sa bunyag) alang sa lamiang kape bisaya..


Paghaman sa kape, mi adto nako sa sa Off-road venue.


Sa VIP area akong nahimamat ang Bageto nga Konsehal sa Tanjay, Jude Bumanglag, human sa among pag lamano ug pahulagway... mikanaog na sya sa VIP section kay mangandam pa sya sa laing kalihukan.


Samtang didto ko sa VIP section akong nakit-an si Bise Mayor Neil Salma, nanaog ko sa VIp Section para mohimamat sa bise mayor.


Daghan nga mga pamilyar nga nawong ang akon nahimat, di nalang nato hisgutan ang tanan kay basin duna ko malimtan.


Bisag diha na ko sa talitapos nga bahin miabot, akong nasayran nga nagmalampuson ang maong kalihukan.


Ang unang adlaw mao ang qualifier, ug sa ikaduhang adlaw na masuta kung kinsa ang mananaog.


Akong na namatikdan nga ang Ambulansya sa Bais City ug ang Bombero(fire truck) sa Hacienda Mendietta, kung wala ko masayop ang akong amahan maoy nagbuhat sa maong Bombero.


Wala koy nakit.an o wala lang ko kaila ug sakop sa lokal nga kagamhanan.


Wala pud ni malakip sa talaan sa mga kalihukan sa kapistahan sa Tanjay..


Ang Off Road us ka kalihukan nga nalakip sa gitawag ug Extreme Adventure.


Ug ang ubay ubay sa mga lokal nga kagamhanan karon ang milakip sa Extreme Adventure sa ilang Tourism program. Sama sa Camarines Sur, nga mas naila nga CamSur ug ang lungsod sa Danao,Bohol nga adunay E.A.T. Danao o Extreme Adventure Tourism.


Ang nakanindot man gud sa Extreme Adventure Tourism kay makadani kini sa usa ka sector sa Tourimo. Ug ang nahisakop niining maong sector, mga batan-on ug sapian.


Kung mapalambo ang maong matang sa tourismo, ang mga dumuduong maka bubo sa lokal nga ekonomiya, kay mga sapian man sila...


Hinaot nga makakita unta ang mga naa sa katungdanan sa kamahinungdanon sa maong kalihukan kung Tourismo na ang hisgutan...


Mantiaw ting, sa sunod napod..

Mantiaw Ting

Maayong Adlaw mga Taga Tanjay.

Kini akong lindog...

Mga Panghitabo sa Tanjay..

Akong mga Panahon...

Mga istorya ..

Mga kaasuyan sa kagahapon..

mga hulagway

ug uban pa...